Milli Lækjasmára 54 og 56 er lítill leikvöllur sem er ekki stígur að. Rétt fyrir aftan leikvöllinn er góður stígur sem tengist við Digranesveg. Þarna þyrfti að leggja stíg svo leikvöllur og aðrir stígar nýtist betur og minna þurfi að króka um hverfið til að komast leiðar sinnar. Bleik lína sýnir fyrirhugaðan stíg.
Það er óljóst hvort þetta er brandari eða vandræðalegur misskilningur, að leggja til framkvæmdir á sameignarlóð Lækjasmára 54-76. Það er að sjálfsögðu ekki í boði að leggja göngustíg yfir garðinn, ekki frekar en ærslabelg á bílastæðinu og eiginlega ósmekklegt að tefla slíkri hugmynd fram hér. Hér er uppdráttur lóðarinnar fyrir þá sem geta lesið sér til skilnings: http://bit.ly/sameign
Leikvöllurinn er á einkalóð, sem og garðurinn þar sem stígurinn er teiknaður. Þetta er vanhugsuð tillaga sem brýtur gegn skilyrðum Betri Kópavogs.
Taka þarf mikinn krók á sig til að komast að Smáratorgi og biðstöðvum þar ef maður er búsettur í Lækjasmára. Þessi stígur myndi auka nýtingu á leiksvæðinu á milli 54 og 56 og gera leiðir beinni. Í ljósi þess að Strætó notar nú loftlínu til að reikna gönguleiðir er tilvalið að koma til móts við það með því að stytta krókaleiðir gangandi.
HarSte hefur rangt fyrir sér í mótrökum hans, eins og sjá má í kortasjá Kópavogs.
This content is created by the open source Your Priorities citizen engagement platform designed by the non profit Citizens Foundation